ROXAS CITY – Nagpanindugan ang alkalde sang banwa sang Pilar, Capiz nga wala nalakip ang iya pangalan sa listahan sang mga alkalde nga ipaidalums sa lifestyle check sang National Bureau of Investigation (NBI).
Sa exclusive interview sang Bombo Radyo Roxas kay Mayor Gideon ”Ike” Patricio, ginpahayag sini nga personal ini nga nagpanawag sa nasambit nga ahensiya para kumpirmahon ang nagalapta nga report nga siya kaupod si Rixas City Mayor Angel Alan Celino ang subject sa lifestyle check sang NBI, bangud sa kwestyunable nga mga propedad nga ginaalegar gikan sa iligal nga aktibidad.
Suno kay Mayor Patricio ba-se sa nangin sabat sa iya sang NBI nga wala nalakip ang iya nga pangalan sa listahan sang mga alkalde sa Western Visayas nga ipaidalum sa lifestyle check sang ahensiya.
Liwat nagpanindugan ang nasambit nga opisyal nga legal ang iya mga negosyo kag indi gikan sa iligal ukon pagpangurakot.
Apang aminado si Patricio nga bilang mga opisyal sang gobyerno, normal na ang kasubong sini nga mga isyu, labi na kun maayo ang ginagimo, ginapangitaan sang buho sang iban.
Samtang suno kay Mayor Patricio nga sa Bombo Radyo Roxas ini una nga nagpa-interview angut sa nasambit nga isyu, bangud may kredibilidad ang nasambit nga radio station kag wala nagapaguwa sang fake news.
Handa naman magpaidalum sa lifestyle check ang alkalde kun kinahanglanon agud mapatud-an nga wala siya nagabutig.
