Nag-umpisa na ang Capiz Provincial Government sa pagselebrar sang Chinese New Year subong nga adlaw kag magalawig tubtob bwas, Pebrero 17.
Sa interview sang Bombo Radyo kay Hon. Dr. Cesar Yap, Chairman sang Tourism Committee sa Sangguniang Panlalawigan, iya ginpahayag nga masinadyahon ang aktibidad sang nakalinyada sandig man sa ordinansa sang probinsya nga magpatigayon sang selebrasyon sa kada tuig .
Suno kay Yap, may yara sang night market, lion and dragon dance, cooking competition and demonstration, launching sang prosperity tree kag fireworks display.
Pahayag pa niya, ang pagselebrar sang Filipino-Chinese Community indi lamang pagpakita sang kalipay kag paghiliusa sa baylo simbolo man ini sang mabakod nga relasyon kag pagbinuligay sa tunga sang duha ka kultura.
