ROXAS CITY – Narekord ang labing una nga kaso sang nagpositibo sa coronavirus disease (COVID-19) sa probinsiya sang Capiz.
Ini ang ginkompirmar mismo ni Department of Health (DOH) Regional Office 6 Director Marlyn Convocar sa ginpatigayon nga press conference kaupod ang Inter Agency Task Force kag Regional Disaster Risk Reduction and Management Council.
Mahibaluan nga sa rekord sa bilog nga Western Visayas, nagdugang ang patient 3 nga babaye nga taga- Iloilo City nga naga-edad sang 61-anyos kag patient 4 nga lalaki nga taga-Jamindan, Capiz nga naga-edad sang 45-anyos.
Nahibaluan nga lunsay may travel history sa Manila ang duha ka bag-o nga kaso nga napagkit nga Rehiyon Sais.
Matandaan nga una na nga narekord ang duha ka nagpositibo sa Rehiyon Sais kun sa diin ini ang napagkit sa probinsiya sang Iloilo kag Negros Occidental.
