ROXAS CITY – Agresibo ang Capiz PHO sa pag-edukar kag pagkumbinse sa mga pumuluyo, sa kaimportansiya sang pagpabakuna batuk sa COVID-19, ilabi na sa mga senior citizens.
Sa interview sang Bombo Radyo kay Dr. Ramon Alex Nolasco, OIC sang Capiz PHO, ginsiling sini nga nagapadayon ang pagpangbakuna sang mga health workers, ilabi na sa mga kabanwahanan.
Target sang ahensya sa karon nga malab-ot ang 50K nga mabakunahan kag mangin fully vaccinated agud malab-ot ang herd immunity.
Nagahinyo man ini sang pagsuporta sa mga national agencies nga mabuligan sila sa pagkumbinse sa ila mga workers nga magpabakuna na ilabi na ang booster shots.
Ginpahayag man ni Nolasco nga nagnubo sa karon ang numero sang mga nagapositibo sa COVID-19 sa Capiz ikumparar sang nagligad nga binulan.
Sa karon, padayon ang paglibot sang mobile vaccination team, agud madamo pa sang malab-ot nga mabakunahan sa probinsya.
