ROXAS CITY – Kadungan sang padayon nga pagtimbuok sang kaso sang Coronavirus Disease ukon COVID-19 sa probinsya sang Capiz, nagpanugyan ang talatapan sang Capiz Provincial Health Office sa publiko.
Sa interview sang Bombo Radyo kay Mr. Ayr Altavas, Public Information Officer sang PHO nga ginpahayag sini nga naglab-ot na sa kabug-usan nga 392 ang kumpirmado nga kaso sang COVID-19 sa probinsya.
Sa nasambit nga numero 141 diri ang ginakabig nga Active Cases, 225 ang tota recoveries kag 26 naman ang ginbawian sang kabuhi.
Ini ang ginalakipan sang Cuartero kag Maayon nga may (7), Dao nga may (6), Dumalag kag Ivisan nga may (11), Dumarao nga may (8), Jamindan nga may (22), Mambusao kag Panitan nga may (15), Panay nga may (17), Pilar nga may (16), Pontevedra nga may (24), Pres. Roxas nga may 9, Roxas City nga may (197), Sapian nga may (3), Sigma nga may (4) kag Tapaz nga may (20).
Bangud diri, nag-apelar naman ang PHO sa mga pumuluyo nga mag kooperar agud nga malikawan ang pagdamo sang kaso sang amo nga balatian pinaagi sa pagsunod sa mga minimum health standard kapareho sang pagsuksok sang facemask, faceshield, paggamit sang alcohol kag disinfectant agud malikawan ang nasambit nga balatian.
Samtang, ginklaro naman ni Altavas nga magsunod man sa mga panugyan sang mga doktor kag nurses nga amligan ang ikaayong lawas agud hilway batuk sa nasambit nga balatian.
