ROXAS CITY – Malipayon nga ginpalayag sang provincial director sang Capiz Police Provincial Office (CPPO) nga wala sang na-rekord nga kaso sang COVID-19 sa mga police personnel sa probinsiya.
Ginpahayag ni Police Col. Julio Gustilo Jr., nga wala sang katapu sang pulisya sa Capiz nga nalatnan ukon nagsuprer sang sintomas sang coronavirus disease bangud sa pagsunod sa mga health protocols nga ginapatuman sang talatapan.
Apang sa pihak sang maayo nga rekord sang Capiz PNP pag-abot sa nasambit nga balatian, wala nagakumpyansa ang mga kapulisan kag padayon ang pagpahanumdum sa ila ni Police Col. Gustilo labi na ang pagtuman sa minimum health protocols kasubong sang paggamit sang face mask, face shield, paghugas sang kamot kag pag-obserbar sang physical distancing agud malikawan ang nasambit nga balatian.
