CAPIZ – Nag-deploy sang mga kapulisan ang Capiz Police Provincial Office para sa Ati-Atihan Festival.
Sa interview sang Bombo Radyo kay Police Captain Merry Chris Dela Cruz, Public Information Officer sang Capiz Police Provincial Office, iya ginpahayag nga yara sa 450 ka mga katapo sang kapulisan ang gin-deploy agud nga magbantay sa palibot sang banwa sang Kalibo, Aklan.
Suno kay Police Captain Dela Cruz, apisar madamu sang ginpang-augment, nagapabilin nga bastante ang numero sang mga kapulisan nga magapabilin sang mobility forces sa probinsya Capiz.
Pahayag pa niya, pagkatapos sang Ati-atihan Festival, magapadala man ang Capiz Police Provincial Office sang dugang nga deployment para naman sa Dinagyang Festival.
Ginpasiguro man sang natungdan sa publiko nga magapadayon ang ila nga serbisyo sa pagpabilin sang kalinong kag katawhay sang palibot.
