ROXAS CITY, CAPIZ- Nagpatigayon subong nga adlaw, Nobyembre 17, 2025 ang Capiz Police Provincial Office sang random drug-testing para sa mga katapo sang kapulisan.
Sa interview sang Bombo Radyo kay Police Captain Merry Chris Dela Cruz, Public Information Officer sang Capiz Police Provincial Office, iya ginpahayag nga ang katuyuan sang nasambit nga programa amo ang mapabilin ang pagasalig sang publiko sa ila nga mga kapulisan.
Suno kay Dela Cruz, may yara sang 400 tanan ka mga kapulisan ang nalakip sa listahan nga gin-paidalom sa subong nga random drug-testing.
Pahayag nya, sa tion nga may pulis nga magpositibo sa drug-testing, ipaidalom pa ini sa confirmatory test, kag kun magpositibo liwat, diri kag pasakaan na ini sang administrative case.
Ginalauman nga magagwa ang resulta sa sulod sang 36 tubtob 48 oras.
Nagalaum ang natungdan nga wala sang may magpositibo nga pulis sa amo nga drug-testing kag para nga kumpyansa man sila sa pagpatigayon sang mga operasyon natuhoy sa Republic Act 9165 ukon ang Comprehensive Dangerous Drugs Act of 2002.
Interviewed by Bombo Sunnie Mae Constantino Batencila
