ROXAS CITY, CAPIZ- Naka-full alert status na ang Capiz Police Provincial Office para sa seguridad sang tagsa-tagsa kadungan sang pagpatigayon sang hublag-protesta bwas nga adlaw sa probinsya sang Capiz.
Sa interview sang Bombo Radyo kay Police Captain Merry Chris Dela Cruz, iya ginpahayag nga may napahamtang na nga mga Police Assistance Desks kag Civil Disturbance Management Teams para nga madasig nga mapalapitan sa tion sang emerhensya.
Suno kay Dela Cruz, base sa monitoring sang ila nga talatapan, ginalauman bwas nga adlaw nga may mapatigayon nga rally sa atubang sang Roxas City Hall kag may yara man sang grupo nga magapatigayon sang motorcade rally.
Dugang pa nya, padayon man nga nagamonitor ang mga kapulisan sa posible pagid nga magpatigayon sang rally apisar nga wala ini sang permit.
Nagapanawagan naman ang natungdan sa mga mapatigayon sang hublag-protesta nga himuon ini sa malinong kag maayos nga pamaagi agud malikawan ang kun ano man nga sahi sang insidente ang posible nga magluntad.
Interviewed by Bombo Sunnie Mae Constantino Batencila
