ROXAS CITY, CAPIZ – Ginpasiguro sang Capiz Police Provincial Office (CPPO) ang ila kahandaan para sa ika-apat nga State of the Nation Address (SONA) ni President Ferdinand “Bongbong” Marcos Jr. subong nga adlaw sang Lunes, Hulyo 28, 2025.
Sa interview sang Bombo Radyo Roxas kay Police Captain Merry Chris Dela Cruz, Spokesperson sang CPPO, iya ginpahayag nga nagpatigayon na sila sang mga security preparations agud masiguro ang kalinong kag katawhay sa bug-os nga probinsya sa adlaw sang SONA sang Presidente.
Suno kay PCAPT Dela Cruz, apisar ang nagapanguna nga seguridad ang naka-focus sa Metro Manila kun sa diin pagahiwaton ang SONA, naka-alerto sa gihapon ang tanan nga unit sang pulisya sa Capiz agud malikawan ang anuman nga insidente.
Dugang pa sang natungdan, may mga naka-standby nga response teams kag naka-deploy nga kapulisan sa mga matawo nga lugar, kasubong sang mga terminal, merkado, kag nagapanguna nga karsada.
Nagapanawagan si PCAPT Dela Cruz sa publiko nga magkooperar sa mga otoridad kag gilayon nga i-report ang anuman nga makaduluda nga bagay agud masiguro nga mangin malinong ang probinsya indi lamang sa tion sang SONA kundi sa tanan nga tion.
Nahibaluan nga ang pahayag ni Presdient Marcos Jr. sa iya SONA ang ginalauman nga magahat sang update sa estado sang punsgod sa direksyon sang administrasyon sa nabilin nga bahin sang iya termino.
– Interviewed by: Bombo Jessa Mae Siman De Los Santos
