Preparado na ang Capiz Police Provincial Office para sa palaabuton nga Bag-ong tuig.
Sa interview sang Bombo Radyo kay Police Captain Merry Chris Dela Cruz, Police Information Officer sang Capiz Police Provincial Office, iya ginpahayag nga ginapasangkad sang ila talatapan ang kampanya batuk sa responsible nga paggamit sang palupok.
Suno kay Police Captain Dela Cruz, madamo na sang nakumpiska nga improvised ‘boga’ ang ila mga katapo sa pila ka mga barangay sa probinsya sang Capiz.
Pahayag pa niya, magluwas sa pagrekorida, padayon man ang ila nga pagmonitor sa mga iligal nga nagabaligya sang palupok online nga hugot nga ginadumilian.
Nagpahanumdom man ang natungdan nga indi pagpabay-an ang mga kabataan nga magamit sang palupok nga naga-isahanon kag kun mahimo maggamit na lamang sang alternatibo kaangay sang torotot.
