ROXAS CITY – Naghiwat sang Culminating Ceremony ang Capiz Police Provincial Office (CPPO) para sa selebrasyon sang National Crime Prevention Week 2022 nga may tema: “New Normal Sambayanan Magtulungan, Krimen ay Hadlangan Tungo sa Kapayapaan at Kaunlaran”.
Ini ang ginpahayag ni PMAJ Ruby Magallanes, tagpamaba sang Capiz PPO sang ma-interview sang Bombo Radyo.
Suno kay Magallanes gintambungan ang kahiwatan nanday Provincial Director PCol. Winston M. De Belen kaupod man ang NAPOLCOM Region 6 kag mga hepe sang kada Police Stations sa mga kabanwahanan sang bug-os nga probinsya sang Capiz.
Naghatag man sang pagkilala ang kapulisan sa pila ka mga stakeholders kag pila ka mga personalidad nga nagabulig sa oras sang mga ginarespondihan nga krimen kag sa mga aktibidades sang kapulisan sang tanan nga kabanwahanan sa probinsya sang Capiz.
Magluwas sa seremonya subong nga adlaw may pila pa nga mga programa nga ginhiwat ang kapulisan angut sa Crime Prevention Week kaangay sang mga tree planting activity, pagkadto sa Barangay agud nga ipahibalo ang importansya sa pagbuliganay kun may mga matabo nga kalamidad kag iban pa sa isa ka Barangay.
Dugang pa sini, halos tanan nga kabanwahan ang nakakuha sang pagkilala.
