ROXAS CITY -Natalana nga igalunsyar sang Technical Education and Skills Development Authority (TESDA) ang programa nga Capiz Poverty Reduction Livelihood and Employment Cluster Sebisyo Caravan sa Barangay Putian, Cuartero Capiz.
Sa interview sang Bombo Radyo sa kay TESDA Provincial Director Engr. Abdel Bahkri Hasan nga masobra 51 ka mga rebel returnees sang Barangay Putian, Mahunod-hunod, Carataya kag San Antonio ang natalana nga hatagan sang livelihood assistance sang nagkalain-lain nga ahensiya sang gobyerno nga magapartisipar sa nasambit nga caravan.
Suno sa kay Hasan nga sa bahin sa TESDA, magapatigayon ini sila sang paghanas para sa community organic vegetable farming ukon pagpananom sang mga utanon sa mga nasambit nga rebel returnees.
Magluwas diri, magahanas man ang ahensiya sang native chicken production kun sa diin tudluan ang mga rebel returnees nga maghupot sang mga native nga manok.
Gin-athag ni Hasan nga ini nga caravan ang isa ka inter-agency kun kabahin ang iban nga mga ahensiya sang gobyerno nga mahagatag sang assitance sa mga rebel returnees.
Gindugang pa ni Hasan nga magluwas sa banwa sang Cuartero, may yara man sang isa ka barangay sa banwa sang Tapaz nga natalana nga lunsyaran TESDA sang kasubong nga programa.
Ang nasambit nga programa ang sa idalom sang Executive Order No. 70 ni Presidente Rodrigo Duterte.
Tinutuyo sini nga programa nga hatagan sang pangabuy-anan ang mga rebelde nga nagbalik sa hanay sang gobyerno
