ROXAS CITY – Ginkompirmar ni Capiz Governor Esteban Evan ‘Nonoy’ Contreras nga gilayon sini nga ginmandu ang pag-disinfect sang kapitolyo-probinsiyal para maamligan ang ikaayong-lawas sang mga empleyado kag nagaguwa-sulod nga mga tawo batuk sa coronavirus disease (COVID-19).
Suno kay Contreras nga ang pagdisinfect sa kapitolyo ang ginmandu sini antes pa man nagduso sang resolusyon ang Sangguniang Panlalawigan para diri.
Gindugang man sang gobernador nga ginapatuman man karon ang skeletal working scheme sa mga empleyado sang gobyerno-probinsiyal.
Nakahanda man suno diri ang gobyerno-probinsiyal sa paggamit sang calamity fund sang probinsiya para sa mga kinahanglanon sa kampanya kontra COVID-19.
Ini ang kasunod man sang pag-deklarar mismo ni Presidente Rodrigo Duterte sang nationwide state of calamity bangud sa amo nga balatian.
