Magapatigayon sang programa ang Capiz Provincial Government para sa pagsaulog sang ika-128 nga Anibersaryo sang Independence Day.
Sa interview sang Bombo Radyo kay Mr. Rophine Gregorio Visorio, Head sang Provincial Tourism and Culture Affairs Office, iya ginpahayag nga kompleto na ang tanan nga preparasyon para sa importante nga okasyon nga nagahatag pagpasidungog sa kabayanihan kag sakripisyo sang mga Pilipino nga nangin instrumento sa pag-angkon sang kahilwayan sang pungsod.
Suno kay Visorio, ginapaabot nga magatambong sa programa ang mga importante nga bisita lakip na ang mga representante sang religious groups, veterans groups, youth leaders, mga opisyal sang lokal nga panguluhan, kag mga opisyal sang Provincial Government sang Capiz.
Kabahin sang mga aktibidad amo ang flag ceremony nga pagapangunahan sang Girls Scout kag Boy Scout of the Philippines kag katapo sang Capiz Police Provincial Office bilang simbolo sang pagrespeto kag paghigugma sa hayahay sang Pilipinas, kag ang tradisyunal nga 21-gun salute bilang paghatag sang dungog sa makasaysayan nga adlaw sang pungsod.
Dugang pa sang natungdan, ang selebrasyon indi lamang pagdumdom sa kasaysayan kundi isa man ka kahigayunan agud mapalig-on ang paghigugma sa pungsod, pagbinuligay kag pag-isa sang mga Pilipino sa subong.
