CAPIZ – Gina-engganyo sang Capiz Provincial Government ang publiko nga magsuksok sang face mask sa sulod sang government offices, ilabi na sa mga enclosed kag crowded nga lugar.
Sa ginpaguwa nga Memorandum Order No. 31, Series of 2026, tanan nga department heads, head of offices/units, kag chiefs of hospital, ang ginamanduan nga maggamit sang face masks, kag ipahibalo ini sa publiko bangud sa pagtaas sang influenza-like illness cases.
Ang mga empleyado naman nga may mga sintomas kaangay sang ubo, trangkaso, pagpalanakit sang tutunlan, hilanat kag iban pa nga flu-like manifestations ang gina-require nga magsuksok sang face masks sa tanan nga tion samtang yara sa government presmises.
Ang mga symptomatic personnel ang ginaabisohan man nga mag-observe sang proper hygiene, magpakonsulta sa doctor kag i-avail ang sick leave kun kinahanglanon.
