ROXAS CITY, CAPIZ- Ginpahanumduman sang Capiz Provincial Health Office ang mga pumuluyong Capiznon nga mangin responsible sa paggamit sang mga palupok sa pagselebrar sang Paskwa kag Bag-ong tuig.
Sa interview sang Bombo Radyo kay Mr. Joeffrey Espiritu, Information Officer sang Capiz Provincial Health Office, iya ginpahayag nga katuyuan subong nga tuig sang ila nga talatapan nga pabaskugon ang kampanya nga Ligtas Christmas 2025 kag panubuon ang kaso sang mga nalukpan sang palupok sa probinsya.
Suno kay Espiritu, sang tinalikdan nga tuig, madamo nga kaso sang nalukpan ang nabalhag sa diin naglab-ot ini sa 32 ukon kabaylo sang 68% nga pagsaka sa amo nga bahin apisar pa nga makusog na ang kampanya nga ginapatigayon.
Pahayag niya, indi nila luyag nga may mabiktima sang palupok, ilabi na ang mga pamatan-on sa tion sang pagselebrar sang paskwa kag bag-ong tuig.
Nagapanawagan naman ang natungdan sa publiko nga kun mahimo, likawan nalang gid ang paggamit sang palupok kag maggamit nalang sang mga alternatibo nga pampagahod.
Interviewed by Bombo Francis Biñas
