Nagpahanumdom ang Capiz Provincial Health Office sa publiko nga magsuksok sang face mask agud malikawan ang pagtaas sang kaso sang Influenza-Like Illness ukon ILI sa probinsya.
Ini kasunod man sa Memorandum Order No. 31, Series of 2026.
Sa interview sang Bombo kay Jezza Loraine Falsis Porras, Population Program Officer I sang amo nga talapan, iya ginpahayag nga ang mga sintomas sang ILI amo ang trangkaso, ubo, hilanat, pagpalanakit sang ulo, pagpalanakit sang kalawasan, kag tutunlan.
Suno sa iya, madasig maglapta ang sakit labi na sa mga lugar nga madamo sang tawo kag sa pabag-o-bag-o nga tyempo.
Dugang pa sini nga mahimo malikawan ang sakit pina-agi sa pagmentinar sang husto nga paghugas sang kamot kag pagkaon sang masustansya nga pagkaon
Gin-abisuhan man sini ang publiko nga gilayon nga magpakonsulta sa doktor kun may ginabatyag nga mga sintomas sang sakit.
