Nagpahanumdom ang Capiz Provincial Health Office sa publiko sang pag-angkon sang ihibalo agud maproteheran ang kaugalingon batok sa mataas nga heat index.
Sa interview sang Bombo Radyo kay Jeza Lorraine Poras, iya ginpahayag nga may yara sang level ang heat index;
- 27°C – 33°C – mahimo maka-eksperyensya sang paglingin sang ulo kag tuman nga kakapoy.
*33°C – 41°C – mahimo maka-eksperyensya sang heat cramps kag heat exhaustion.
*41°C – 52°C – danger level, mahimo magresulta sang heatstroke ilabi na sa may mga balita.
*52°C pataas – mahimo magtuga sang heatstroke mangin kamatayon
Suno kay Poras, importante man ang pagsuksok sang komportable nga bayo, pagpaligo sang masami kag pag-inom sang walo ukon masobra pa nga baso sang tubig.
Pahayag pa niya, likawan man ang mga pagkaon kag ilimnon nga mahimo magtuga sang dehydration; sa baylo utan kag prutas ang kan-on.
Dugang pa sang natungdan, kun wala man lang sang importante nga kaladtuan, pillion na lang nga magpabilin sa panimalay.
