Gin-athag sang Provincial Liga President ang mga guidelines sa Bawat Barangay Makikinabang Program.
Ini matapos sang pila ka mga reklamo nga ginpalab-ot sa ila talatapan angut sa indi klaro nga guidelines sang tagsa ka barangay.
Sa interview sang Bombo Radyo kay Mr. Nico Yap, Capiz Provincial Liga ng mga Barangay President, iya ginpahayag nga ang tagsa ka barangay ang makabaton sang P200,000, kun sa diin ang P100,000 ang para sa scholarship program kag ang mabilin nga P100,000 ang makadtu sa proyekto sang Barangay.
Suno kay Yap, sa scholarship program, ang mga kwalipikado amo ang mga incoming 4th year college nga yara sa vulnerable sector.
Pahayag pa niya, lima ka mga estudyante ang pagapilion sa kada barangay kag agud makasigurado, kinahanglan ang affidavit bilang pamatuod nga maga-enroll ini.
Ginpasiguro man sang natungdan nga magapadayon ang ila nga monitoring agud mahatag ang nagakaigo nga bulig sa mga deserving nga mga estudyante.
