Capiz Provincial Office, nakapagkit sang kapin 66 nga mga indibidwal nga nagapatigayon sang illegal nga pasugal sa sulod lamang sang anum ka bulan

ROXAS CITY – Nakapagkit sang kapin 66 nga mga indibidwal ang Capiz Provincial Office nga nagapatigayon sang illegal nga pasugal sa sulod lamang sang anum ka bulan sumugod Enero tubtob Hunyo subong nga tuig.

Ang nasambit nga numero ang base sa datos nga nagikan sa  Police Regional Office 6, kun sa diin yara sa 2,368 ang nadakpan sa bilog nga rehiyon samtang P979,000.00 nga bet money ang nakuha sa 740  nga operasyon sang otoridad.

Kadam-an nga record sang mga nagkaladakpan ang nabalhag sa

Negros Occidental nga naglab-ot sa 1,430, ginsundan sang Bacolod City nga may 313, kag Iloilo City nga may 190 ka mga indibidwal.