Nagpatigayon sang proposal ang pila ka mga farmers sang probinsya sang Capiz para sa “Capiz Provincial Registry System for Sugar Farmers and Planters Ordinance,” nga nagatinguha nga mangin mas organisado ang pagkilala kag paghatag sang bulig sa mga sugarcane farmer kag planter sa probinsya.
Sa interview sang Bombo Radyo kay Rufino Ashbel Gad Dunton, Acting Provincial Agriculturist sa probinsya sang Capiz, iya ginpahayag nga sa idalom sang proposed ordinance, ipatukod ang provincial registry ukon opisyal nga listahan sang mga sugarcane farmers kag planters nga mahimo gamiton bilang basehan sa paghatag sang programa kag ayuda, ilabi na sa tion sang kalamidad kag peste.
Sandig sa sang Provincial Agriculturist Office as of August 12, 2026, yara na sa 2,483 ka sugarcane farmers ang apektado sang Red Striped Soft-Scale Insect (RSSI), nga may kabug-usan nga 4,234 hectares nga apektado nga sugarcane area.
Pinakadaku ang apektado sa Pilar nga may 779 ka farmers kag 1,047.93 hectares, sunod ang Pontevedra nga may 359 ka farmers kag 894.35 hectares, kag Maayon nga may 373 ka farmers kag 665.08 hectares.
Suno kay Dunton, ginhatagan man sang kahigayunan ang mga stakeholder nga makahatag sang suhestyon kag komento sa proposed ordinance.
Nagalaum man ang natungdan nga ang nasambit nga registry ang mas mapadasig kag mangin organisado ang paghatag sang bulig mangunguma nga sang tubo nga naga-antos sa pag-atake sang amo nga peste.
