Ginhatagan sang pagkilala ni President Ferdinand Marcos Jr. bilang 2022 Lone Presidential Gawad Career Executive Service (CES) Awardee Si Capiz Schools Division Superintendent Dr. Miguel Mac D. Aposin.
Ginhiwat kahapon nga adlaw, Agosto 5, 2024 sa Palasyo ng Malacañang ang paggawad sang Presidente sang pasidungog kay Dr. Aposin.
Ang Gawad CES ang isa ka Presidential award nga nagakilala sa mga katapo sang Career Executive Service (CES) sa talalupangdon nga pagtuman kag indi matupungan nga kontribusyon, ilabi na sa patag sang inobasyon, information and communication technology, social services, administrative reforms kag public policy.
Ang ini nga pagkilala ang nagapamatuod sang pagpanikasog kag dedikasyon ni Dr. Aposin sa epektibo kag maayo nga pagdul-ong sang mga serbisyo sa basic education sa mga estudyante pinaagi sa pag-promote sang productivity sa agrikultura kag pagpasanyog sa mga komunidad.
Panginbulahan sa imo Dr. Miguel Mac D. Aposin!
