ROXAS CITY – Ginalauman nga magalab-ot sa masobra sa 12,000 la mga estudyante, manunudlo kag mga responding units gikan sa magkatuhay nga eskwelahan sa probinsiya ang makigbahin sa Simultaneous Nationwide Earthquake drill las 2 karon sa hapon sa diin magaserbe nga host province ang Capiz.
Personal nga nagpadulong sa broadcast center sang Bombo Radyo Roxas si Office of the Civil Defense Regional-6 Director Jose Alberto Nuñez, para ipalayag ang ka-importansiya sang pagpatigayon sang nasambit nga drill sa panahon sang kalamidad kasubong sang lindol.
Suno pa kay Nuñez napili ang Capiz nga mangin host province sa Western Visayas para sa patigayunon nga Simultaneous Nationwide Earthquake drill karon sa hapon bangud nakita nila nga very active ang Provincial Disaster Risk Reduction and Management Office kag all out ang suporta sang provincial government mangin ang magkatuhay nga sektor sa nasambit nga aktibidad.
Naghatag man sang tips si Nuñez sa publiko nga indi magpanic kag indi pagkalimtan ang ginatawag nga duck-cover-hold nga makabulig sa panahon sang mga kalamidad.
