ROXAS CITY, CAPIZ- Nagtukod ang pamununuan sang Capiz State University sang isa ka pagsulundan bilang kabahin ang disaster readiness sang mga manunudlo, mga estudyante kag mga empleyado sang unibersidad sa tion sang mga kalamidad.
Sa interview sang Bombo Radyo kay Dr. Efren Linan, University President sang Capiz State University, iya ginpahayag nga ang nga lihok ang gindihon agud nga masigurado ang kaluwasan sang tagsa ka mga nasakupan sang unibersidad sa tion nga may mga bagyo kag iban pa nga kalamidad.
Suno kay Linan, ang amo nga pagsulundan ang ginhingadlan nga RISE CAPSU, isa ka acronym nga may dako nga kahulugan.
Pahayag nya, sa sini nga pagsulundan, ginahatagan ang tagsa-tagsa sang ihibalo sa mga butang nga kinahanglan himuon antes, sa tion kag pagkatapos sang isa ka kalamidad.
Samtang, luyag man kuntani athagon sang natungdan ang may kaangtanan sa pagkansela sang klase. Pag-ginatawag nga ‘suspension of face to face classes’ buot silingon, kinahanglan nga maggamit anay sang alternative learning modalities ukon online. Pag-ginsiling naman nga ‘class suspended’ buot silingon, muna ang dalayon nga suspension, wala sang may matabo nga class discussion.
Dugang pa sang natungdan, padayon ang ila ginahimo nga mga safety measures agud nga masigurado gid ang 100 porsyento nga kaluwasan sang tagsa-tagsa, may kalamidad man ukon wala.
Interviewed by Bombo Francis Biñas
