Target sang probinsya sang Capiz nga makabakuna sang 68,665 nga mga kabataan naga-edad 6 months tubtob 59 months old sa pagahiwaton nga Measles-Rubella Supplemental Immunization Activity sa Agosto 10 tubtob Agosto 28, 2026.
Sa interview sang Bombo Radyo kay Mr. Joeffry Espiritu, Development Management Officer IV/Information Officer, Department of Health (DOH)-Capiz, iya ginpahahayag nga dapat engganyuhon gid sang mga local government unit ang mga ginikanan nga pabakunahan ang ila kabataan agud indi maapektohan sang tigdas kag makahiya.
Suno kay Espiritu, may yara sang iban nga ginikanan nga hesitant sa gihapon nga pabakunahan ang ila kabataan bangud sa ‘misconceptions’ kag ‘spiritual belief’.
Apang pahayag niya, makalalaton ang nasambit nga mga balatian nga mahimo magtuga sang komplikasyon ukon ang malala magresulta pa sa kamatayon.
Ang bakuna ang ginahatag nga libre sa mga health centers ukon sa designated areas sang local governments.
