Arestado sang mga kapulisan sang Mambusao Municipal Police Station ang ginakabig Capiz Top 9 Most Wanted kag Top 3 Municipal Most Wanted Person matapos nga ginserbehan sang warrant of arrest sa banwa sang Pototan, Iloilo.
Ang arestado amo si alyas “Klyde,” 22-anyos nga lalaki nga nagatrabaho bilang hatchery worker sa isa ka poultry farm sa Pototan nga tumandok sang Mambusao, Capiz.
Sa interview sang Bombo Radyo kay PMaj. Ruby C. Magallanes, Officer-in-Charge sang Mambusao Municipal Police Station, iya ginpahayag nga ang arestado may yara sang kaso nga Lascivious Conduct sa idalom sang Section 5 sang R.A. No. 7610 nga gin-amyendahan sang Republic Act No. 11648.
Suno kay Magallanes, may ginrekomendar nga piyansa nga nagabalor sang P200,000 para sa temporaryo nga kahilwayan sang akusado. Sa subong, nagapabilin ini sa kustodiya sang Mambusao Municipal Police Station para sa nagakaigo nga disposisyon.
Reported by Bombo Gen Arcosa | via Zona Libre
