ROXAS CITY – Wala pa sang kabaranggayan sa probinsiya sang Capiz ang nadeklarar nga drug-cleared ukon hilway na sa ilegal nga droga sang Philippine Drug Enforcement Agency (PDEA).
Ini ang gin-athag ni (PDEA) 6 Regional Director Wardley Getalla sang mainterview sang Bombo Radyo.
Suno kay Getalla, yara pa lamang sa Regional Oversight Committee ang ginsumiter sang mga Local Government Units (LGU’s) sa probinsiya kag natalana pa nga ipaidalom sa balidasyon kag deliberasyon.
Ginpahayag sini nga maid-id nga proseso ang ginapatigayon sang oversight committee nga ginahimud-usan sang PDEA, Philippine National Police (PNP), Department of Health (DOH), kag Department of Interior and Local Government (DILG).
Isa tubtob duha ka bulan suno kay Getalla nga ipaidalom sa balidasyon ang isa ka lugar agud mahibaluan kun naka-comply ini sa mga rekisitos agud dalayon madeklarar nga drug-cleared.
‘Capiz, wala pa sang may narekord nga drug-cleared barangay’ – PDEA 6 Regional Director
-- ADVERTISEMENT --
