Ginpaidalom sang Capiz Provincial Disaster Risk Reduction and Management Office (PDRRMO) sa yellow alert level ang probinsya bangud sa bagyo Basyang.
Ang Yellow Alert Level amo ang pag-monitor kag pagpreparar.
Sa interview sang Bombo Radyo kay Atty. Sheila Artillero, head kag action officer sang PDRRMO, iya ginpahayag nga ang tanan nga partner agencies nakahanda na lakip na ang mga equipment, food packs, kag mga preemptive evacuation sites sa coastal kag low-lying areas.
Suno kay Artillero, naka-standby naman ang mga PDRRMO officers para sa mga bata kag tigulang kun kinahanglan na nga mag-evacuate.
Ginpanumdom man sini ang publiko nga magbuligay sa panahon sang pagbaha, kag mamati lang sa opisyal nga impormasyon, kaangay sa Bombo Radyo Roxas, agud malikawan ang mga fake news angut sa bagyo.
