ROXAS CITY-Patay ang 51-anyos nga Capizenia domestic helper matapos nga ginaalegar nga naghikog sa Sabah-Al-Nasser sang pungsod Kuwait.
Sandig sa nakuha nga impormasyon sang Bombo Radyo nga ang wala na ginhingadlan pa nga biktima ang naglaslas sang iya nga pulso kag naglumpat sa second floor sang wala matumod nga lugar matapos nga natukiban sini nga nalatnan ini sang COVID-19.
Nagapadayon pa sa karon ang imbestigasyon sang mga otoridad sa agud mahibaluan kun may yara sang foul play sa kamatayon sang biktima.
Samtang may yara naman sang nakit-an nga ginapahayag “suicide note” nga ginapatihan ginsulat sang biktima antes ini nagpanginmatay
Nakasulat sa note nga luyag sini nga i-cremate ang bangkay sa tion nga dal-on na ini sa pilipinas.
Padayon nga ginapakig-angutan sang Bombo Radyo ang iya mga himata diri sa probinsiya sang Capiz.
