ROXAS CITY – Nagdesisyon ang isa ka Capizeña nga magpadulong sa Metro Manila agud mag-file sang iya certificate of candidacy (COC) sa pagka-presidente sang Pilipinas.
Sa exclusive interview sang Bombo Radyo kay Dolores Quirao sang Sigma, Capiz, suno diri nga ang rason sang iya pag-file sang COC sa pagka-presidente amu nga ginasugo ini sang Balaan nga Espiritu agud himuon ang nasambit nga akto.
Nahibaluan nga Oktubre 5 ini naghalin diri sa Capiz, kag Oktubre 6 naman ini nagpadulong sa Sofitel sa Pasay City, nga amu ang filing venue sang COMELEC, agud isumiter ang nagakaigo nga rekisitos sa iya pagpadalagan.
Suno pa diri, wala pa ini kuntani nagapati sa una nga magapadalagan ini sa pinakamataas nga posisyon sa gobyerno, apang bangud sa iya nabatian sa mga tawo, iya ini nga ginsunod, bangud nagapati ini nga nga kun ano ang tingog sang mga tawo, amu ang tingog sang Makagagahum.
