ROXAS CITY – Luyag karon sang isa ka Capizeña Overseas Filipino Worker (OFW) nga naga-trabaho bilang domestic helper sa Kuwait nga ma-rescue gikan sa mapintas nga kamot kag bastos nila nga employer.
Sa exclusive interview sang Bombo Radyo sa OFW nga si Alora Clarite, tumandok sang Barangay Cabugao, Ivisan, duha sila sang iya kaupod nga si Lolita Madriaga, sang Subic, Zambales ang ginapintasan kag ginabastos sang iya amo nga lalaki.
Suno diri nga may isa ka bes nga nagsulod sa ila kwarto ang ila amo nga lalaki kag naghinyo sa iya sang isa ka halok kag kupo sa baylo nga ipaday-off ini.
Mas tion man suno diri nga nagasulod sa ila kwarto ang iya amo kag ginatanyagan sang kwarta ukon alahas sa baylo nga sila ang magpahikap.
Suno kay Clarite nga nagapanindugan sila sa iya amo nga trabaho ang ila ginpadulong sa Kuwait rason nga ginapatup-an sila sini kun indi nila pagtumanon ang iya luyag nga ipahimo sa ila.
Ginpahayag pa ni Clarite nga gintampa siya sang iya amo kag ginhaboy pa ang iya cellphone.
Ginapahayag nga ginliab pa sang ila nga amo ang kaupod ni Clarite nga si Madriaga kag tuyo niya na kuntani ini nga himuslan.
Apang suno kay Clarite, nagbato siya sa ila amo tubtob sa nakapalagyo si Madriaga sa kamot sang ila employer kag nagdalagan sila pasulod sa kwarto kag ila ini nga gin-lock.
Nagahilibion si Clarite nga nag-facebook live butang nga nakita sang Bombo Radyo Roxas kag sila ang napakig-angutan.
Wala nagguha ang duha ka Pinay sa ila hulot tubtob sa nag-abot ang ila employer nga babaye kag nagpangayo sang pasaylo sa ila.
Sa karon, luyag sang duha ka Pinay nga ma-rescue sila kag makapauli na lamang sa Pilipinas.
