ROXAS CITY – Gindayaw sang isa ka mediaman gikan sa pungsod Finland ang manami nga mga programa sang Bombo Radyo Roxas.
Sa ginpalab-ot nga email ni Mr. Jim Solatie sang Espoo, Finland, ginpahayag sini nga tuman kabaskog ang signal sang Bombo Radyo sa nasambit nga lugar.
Bilang pamatuod, ginpadala pa sini ang recorded voiceclip sang Bombo Radyo Roxas Station I.D. nga nagalab-ot sa 47 segundos nga iya ginrecord pinaagi sa iya kaugalingon nga recording device humalin alas 3:58 tubtob alas 4:10 (Philippine time) sadtong Enero 25, 2018.
Suno kay Mr. Solatie, nakaandan na sini nga magpamati sa mga foreign radio stations gamit ang iya nga 12 antennas tagsa ka winter-holiday kag ginkakibot sini sang iya nalab-ot ang frequency sang Bombo Radyo Roxas.
Nahibaluan nga si Mr. Solatie ang nagatrabaho man sa mga nagapanguna nga media companies sa Northern Europe kag managing editor sa isa ka Marketing Research Company.
Sa edad nga 50 anyos, si Mr. Solatie ang may asawa kag duha ka mga kabataan kag nangin libangan pa nila ang pagmonitor sa mga foreign stations.
