ROXAS CITY – Tuman ang kalipay nga nabatyagan sang 25-anyos nga anay working student matapos nalakip sa mga successful bar examinees nga nakapasar sa 2018 bar examination.
Sa interview sang Bombo Radyo Roxas kay Atty. Don Wade Comoro sang Barangay Tabuc, Pontevedra, Capiz, wala sini napunggan nga magtulo ang luha sa tuman nga kalipay matapos makumpirma nga kalakip ang pangalan sa mga nakapasar sa ginpatigayon nga pasinawan.
Aminado si Atty. Comoro nga ginpreparahan sini ang bar exam, sa diin nagpadulong pa ini sa Metro Manila para magreview kag temorani pa nagabugtaw para lamang magbasa sang mga reviewers.
Gin-ako man sini nga bata pa sadto, handum na sini nga mangin abogado gani nagdouble time ini kag gindungan ang pagiging working student kag-eskwela sang law.
Una nga ginpasalamatan ni Comoro ang Ginoo nga nangin alagyan agud malab-ot sini ang handum kag ang mga ginikanan nga nagserbe nga inspirasyon kag kabakud sa pag-atubang sa mga pagtilaw sa kabuhi.
