Pito ka mga Capizeño OFWs nga nagpauli sa Pilipinas kag indi na makabalik sa gintrabahuan nga pungsod ang nakabaton sang livelihood assistance gikan sa Overseas Worker’s Welfare Administration ukon OWWA.
Ginpahayag ni Overseas Worker’s Welfare Administration ukon OWWA administrator Hans Leo Cacdac nagbaton sang P20,000 nga tseke ang kada resipyente nga Capizeño OFW sa idalum sang programa sang OWWA kag P120,000 nga death benefit sa pamilya sang isa ka OFW nga napatay sa Libya.
Magapakig-angut man si Cacdac sa Department of Foreign Affairs (DFA) agud mabuligan ang pamilya sang napatay nga OFW sa Pakistan nga mapabalik ang bangkay sini sa banwa sang Dumarao.
Samtang sa iban nga OFWs nga nagpauli sa Pilipinas kag luyag maka-avail sang programa sang OWWA, mahimo sila mag-apply sa online application sa Owwa. gov. ph.
