-- ADVERTISEMENT --
ROXAS CITY – Ginapabugal sang mga Capizeño ang tatlo ka mga estudyante sang Capiz State University (CAPSU) matapos nalakip sa Top 10 sang ginpatigayon nga pasinawan sa Registered Master Electrician Licensure examination.
Ba-se sa ginpaguwa nga resulta sang Professional Regulations Commission (PRC) nangin Top 1 ang Capizeño nga si Clinth Kenneth Reducto nga may average nga 93%.
Nakuha naman ni John Louiese Villadore ang ikapito nga pwesto nga may average nga 90% kag yara sa ikawalo nga pwesto si Edcel Villa Icamina nga may 89.59%.
Matapos nagguwa ang resulta sang examinasyon gilayon nga nagbaha sang mga pagtamyaw sa tatlo nga liwat ginpakita ang kinaadman sang mga Capizeño.
