Nagkampeon ang team sang Bureau of Fire Protection (BFP) Philippines sa Denver Drill sa 2026 China Fujian Sanming Fireground Survival Challenge, nga ginpartisiparan sang mga bombero halin sa nagkalain-lain nga pungsod.
Kabahin sa team sang Pilipinas si sang BFP Region 6, nga nagpakita sang iya ikasarang kag abilidad sa amo nga kompetisyon nga nagatilaw sang pisikal nga kapasidad, teknik kag abilidad sang mga bombero sa pag-atubang sang mabudlay nga sitwasyon sa fireground.
Sa interview sang Bombo Radyo kay Oducado, iya ipaambit ang eksperyensya kag preparasyon sang team antes magpasakop sa amo nga international challenge.
Suno kay Oducado, importante ang disiplina, ensayo, kag koordinasyon sang mga miyembro sang team agud makompleto ang mga pagsulundan nga ginapatuman sa kompetisyon.
Dugang pa sang natungdan, ang amo nga kadalag-an nagapakita sang kahanda kag abilidad sang mga bombero nga Pilipino sa pag-atubang sang mabudlay nga mga sitwasyon.
