Nagtaliwan sa edad nga 26-anyos ang Capiznon nga “Indie actress” nga si Uzziel Delamide.
Ang masubo nga balita ang ginkumpirma pinaagi sa social media post sang pila ka abyan kag nakatrabaho ni Uzziel sa industriya. Wala pa sang detalye kun san-o kag ano ang rason sang iya kamatayon.
Si Uzziel Delamide nga residente sang Poblacion, Pilar, Capiz ang nangin International Awardee sa Indie Films.
Kalakip sa nagpahayag sang pagpakig-unong kag nagasaludo kay Uzziel amo ang direktor kag film producer nga si Chris Cahilig, festival director sang Puregold CinePanalo Film Festival.
Nahibaluan nga duha ka proyekto ni Uzziel ang nangin partisipante sa CinePanalo — ang full-length feature film nga A Lab Story (2024) kag ang short film nga Uwian (2025).
“Simula nang mapanood ko ang offline edit ng A Lab Story, buo na ang paniniwala ko sa husay ni Uzziel Delamide sa pag-arte”, pahayag sang direktor.
Sa A Lab Story, nag-akto si Uzziel bilang isa ka teenager nga Aeta nga nagpasakop sa quiz bee.
