Isa ka daku nga kadungganan para sa probinsya sang Capiz ang pagkilala nga nakuha ni Marites “Jess” Rufo, isa ka Capiznon nurse nga nagatrabaho sa Dubai, matapos ini nangin grand winner sang Dakilang Manggagawang Pilipino 2026.
Sa interview sang Bombo Radyo kay Rufo, iya ginpahayag ang iya nadag-an ang isa ka pagkilala sang iya dedikasyon kag kontribusyon bilang isa ka Filipino OFW nga nagapangabudlay sa iban nga pungsod.
Suno kay Rufo, wala niya ginpaabot nga makasulod sa Top 10 finalists bangud sa kadamu sang mga nominado nga nagpakigbahin sa nasambit nga pagkilala.
Pahayag pa sini, ang nasambit nga pagkilala mangin dugang nga inspirasyon sa iya kag sa iban pa nga Overseas Filipino Workers (OFWs) nga nagapangabudlay sa United Arab Emirates agud makahatag sang mas maayo nga palaabuton para sa ila pamilya.
Nagpasalamat man ang natungdan sa suporta kag pagboto sang mga kasimanwa nga naghatag sa iya sang tsansa nga makuha ang titulo nga Dakilang Manggagawang Pilipino sa UAE 2026.
