Tuman ang kalipay sang isa ka Capiznon matapos nga mag-rank 6 sa tinalikdan nga
Philippine Nursing Licensure Exam.
Sa interview sang Bombo Radyo kay Krystel Ann Nicole Dela Cruz nga nag-graduwar sa West Visayas State University, iya ginpahayag wala niya gin-ekspektar ang kasubong nga kadungganan nga indi lang basta makapsar kundi ang malakip man sa mga topnotchers.
Suno kay Dela Cruz, nag-dedikar gid ini sang oras sa pagtuon sang iya nga mga tulun-an apang nagahatag sa gihapon sang oras nga mag-unwind kag magpahuway antes nga magpadayon sa pag-review.
Pahayag pa niya, bata pa lang ini ang interesedo na ini sa patag sang medisina kag gusto nga makabulig sa mga tawo nga nagakinahanglan.
Napasalamat man ang natungdan sa iya nga pamilya kag mga abyan sa pagsuporta kag pag-upod sa iya nga journey humalin sa pagsugod sang pag-eskwela tubtob sa nakapasar na ini sa pasinawan.
