Ginakalipay sang talatapan sang Capiz Police Provincial Office nga ipakigbahin nga nangin Generally Peaceful ang pagsug-alaw sang Capiztahan 2025 sa probinsya sang Capiz.
Suno kay PCPT. Merry Chris Dela Cruz, Police Information Officer sang Capiz Police Provincial Office, ginpahayag nga bangud sa hugot nga pagmonitor sang mga otoridad nagresulta sa malinong kag matawhay nga kahiwatan.
Wala naman suno sang nangin problema bangud nagsunod naman sa mga pagsulundan ang mga pumuluyo sa probinsiya kadungan sa pagselebrar sang Capiztahan 2025.
Mahibaluan, nga magluwas sa mga kapulisan, yara man ang presensya sang mga TMU Personnels, BFP Personnels, PCG, Emergency Responders kag Task Force Multipliers nga nagbululigay gid agud mapabilin ang kalinong kag katawhay sang palibot.
Nagpasalamat naman ang Capiz Police Provincial Office sa mga pumuluyo sa pagkooperar kag pagsunod sa patakaran nga nangin resulta sang matawhay kag generally peaceful nga Capiztahan 2025.
