-- ADVERTISEMENT --
Nangin malinong kag matawhay ang selebrasyon sang Capiztahan Festival 2026.
Sa interview sang Bombo Radyo kay Police Major Rachelle Garnica, Public Information Officer sang Capiz Police Provincial Office, iya ginpahayag nga nangin epektibo man ang ila nga augmentation sang kapin 900 ka katapo sang kapulisan sa palibot sang probinsya.
Suno kay Garnica, wala sang may nabalhag nga mga major incidents kag ang tanan nga mga reklamo ang madasig nga ginrespondehan kag ginhatagan sang solusyon.
Nagapasalamat man ang natungdan sa publiko, sa kooperasyon kag pagsunod sa pagsulundon agud mapabilin ang kalinong kag katawhay sang palibot.
