ROXAS CITY -May ginhimo nga pamaagi ang pamunuan sang CapSU-Pontevedra para makabulig sa mga frontliners sa probinsiya nga mapabaskog ang ila nga immune system agud mapakigbatuan ang coronavirus disease 2019 (COVID-19).
Ginpatigayon sang CapSU-Pontevedra ang una nga hugnat sang ila aktibidad agud makahimo sang 160 ka botelya sang Fresh Pasteurized Cow’s Milk.
Natigayon na ini nga mapanagtag sa magkatuhay nga mga Rural Health Units sa banwa sang Maayon, Panitan, Panay kag Pontevedra ang fresh pasteurized mil sang baka.
Kilala ang CapSU Pontevedra sa ila locally produced nga gatas sang baka.
Nahibaluan nga nakabulig man ang Shared Service Facilities (SSF) sang Dairy Processing Unit sang DTI-Capiz bangud gingamit ini sang CapSU-Pontevedra para maproseso ang ila Fresh Pasteurized Cow’s Milk.
