Nagpakigbahin sang preparasyon ang Capiz State University-Pontevedra Campus Mens Volleyball antes sini nakuha ang kadalag-an sa InterCapsu 2025.
Sa interview sang Bombo Radyo kay Marvin Catalan, Coach sang Capiz State University-Pontevedra Campus Mens Volleyball, iya ginpahayag nga sa 6 ka adlaw nga kahiwatan, nangin madinadalag-on ang mga team sang ila nga buluthuan nga makakuha sang medalya.
Suno kay Catalan, lakip sa ila nga nangin preparasyon ang pagpatigayon sang mga tune up game batuk sa iban nga mga buluthuan agud mas mapaabskog ang stamina sang kada player.
Pahayag pa niya, daku nga pagpanghangkat ang mainit nga panahon sa venue sang hampang apang sa gihapon natigayon man nga matapos kag nakuha ang championship.
Daku man ang pagpasalamat sang natungdan sa iya mga player nga nangin mapisan kag didplinado kag sa mga ginikinan nga padayon ang pagsuporta sa ila mga kabataan.
