Caracas, gintay-ug sang aftershock samtang nagapadayon ang rescue operations sa Venezuela

Liwat nga gintay-og sang magnitude 4.6 nga aftershock ang northern Caracas.

Suno sa mga otoridad, wala sang bag-o nga kahalitan nga narekord gikan sa aftershock.

Nahibaluan nga ini ang gintunaan sang duha ka bag-o lang nga mabaskog nga linog nga nag-igo sa pungsod.

Padayon ang malapnagon nga search and rescue operations sa mga apektado nga lugar, ilabi na sa La Guaira nga isa sa tuman nga naapektuhan sang linog.

Suno sa pila ka report, halos 1,500 na ang napatay, samtang madamo pa ang missing kag padayon pa nga ginapangita sa mga narumpag nga buildings.

Kapin man sa 24 ka pungsod ang nagpadala sang mga rescue team, pagkaon, kag iban pa nga supply agod buligan ang Venezuela.