Nagtulak sa Metro Manila si His Eminence Jose Cardinal Advincula Jr., DD kag delegasyon sini para sa nagahilapit nga instolasyon bilang arsobispo sang Manila Cathedral sa maabot nga Hunyo 24, 2021 las 11:45 kaina sang aga sakay sa Cebu Pacific.
Nangin kabahin sang delegasyon ni Cardinal Advincula ang iya personal, secretary, driver, sacristan kag pila ka mga kaparian.
Apang antes ini nagbiya sa probinsiya sang Capiz may ginpatigayon nga send off ceremony kay Cardinal Advincula kag nakaangkon sang kahigayunan nga makaupod sini ang mga kaparian sa magkatuhay nga parokya.
Ginpahayag ni Reverend Fr. Jose Arturo Emilio Arbatin, spokesperson sang Archdiocese of Capiz sa nasambit nga kahigayunan, naghatag sang ila final messages ang mga kaparian kay Cardinal Advincula kag ila ini ginharanahan sang iya paborito nga mga ambahanon.
Nahibaluan pa nga antes nagpadulong sa airport, naghatag man sang final blessing sa mga kaparian si Cardinal Advincula.
Samtang nahibaluan gikan kay Rev. Fr. Arbatin may maapas nga mga pari buwas nga adlaw para mag-atindir sa patigayunon nga instolasyon ni Cardinal Advincula bilang arsobispo sang Manila Cathedral sa Huwebes nga adlaw, Hunyo 24, 2021.
