Nagapanawagan si Kalookan Bishop Cardinal Pablo Virgilio David sang accountability kaangot sang padayon nga sunog sa landfill sa Navotas nga pila ka-adlaw na nga nagatuga sang madakmol nga aso sa Navotas, Malabon, kag Obando.
Suno sa iya, dapat na nga kuwestiyunon ang pagdumalahan sa landfill bangud sa possible nga kakulangan sa gas control kag wala pagsunod sa mga gintalana nga patakaran sa idalom sang Republic Act No. 9003, nga nagatumod sa maayos nga pagmanehar sang basura.
Base sa pahayag ni Cardinal Pablo Virgilio David, indi na lamang isyu sang basura ang insidente kundi subong man sa ikaayong-lawas sang publiko.
Ginsiling naman sang Bureau of Fire Protection nga possible nga methane gas halin sa nadunot nga basura kag tuman ka init nga panahon ang rason sang sunog, samtang padayon pa ang imbestigasyon.
Ginpahayag man sang Department of Environment and Natural Resources nga ginatun-an na ang pagpasaka sang mga kaso batuk sa anay operator sang landfill bangud sa ginaalegar mga paglapas sa environmental compliance kag rehabilitasyon.
