Gin-aprubahan ni Pope Leo XIV ang pagpili kay Cardinal Luis Antonio Tagle bilang bag-o nga Dean sang College of Cardinals, isa sa pinakamataas kag pinakaimportante nga posisyon sa Simbahan Katoliko.
Si Tagle, nga nagaserbe sa karon bilang Pro-Prefect sang Dicastery for Evangelization’s Section for First Evangelization and New Particular Churches, amo ang magabulos sa pagdumala sang board of cardinals sa bug-os nga kalibutan.
Ginbuslan sang Filipino cardinal si Cardinal Giovanni Battista Re nga nangin Dean sang nasambit nga board humalin sang Enero 2020.
Bilang bag-o nga Dean sang College of Cardinals, si Tagle na subong ang naga-uyat sang papel sa pagdumala sang opisyal nga mga meeting sang mga cardinals kon may mga importante nga isyu nga gina-atubang sang Simbahan.
Lakip man sa mayor nga katungdanan sang Dean ang pagtawag kag pagpadalagan sang Papal Conclave ukon ang proseso sa pagpili sang bag-o nga Santo Papa sa tion nga may bakante sa Vatican.
