Caretaker nga nakakita sang landong sang tawo sa ginabantayan nga punong sa Barangay Punta Tabuc, nagpalupok sang armas-luthang

ROXAS CITY-Boluntaryo nga ginsungka sang isa ka caretaker sang punong ang iya nga armas-luthang matapos ginaalegar nagpalupok sa Sitio Pangpang, Barangay Punta Tabuc Roxas City.

Ginkilala ang caretaker nga si Dodoy Sabay residente sang Carles, Iloilo.

Suno kay Sabay nga nakakita ini sang landong sang isa ka tawo sa ginabantayan sini nga punong, rason nagkuha ini sang armas-luthang kag gilayon nga nagpalupok.

Nahibaluan nga yara sa idalom sang impluwensiya sang makahulubog nga ilimnon si Sabay.

Sa karon yara sa kustodiya sang mga kapulisan si Sabay kalakip na ang iya nga  armas-luthang.