ROXAS CITY – Patay na sang nasapwan ang isa ka caretaker sang ginaubra nga balay matapos ginaalegar nga nalumos sa suba nga iya ginpaliguan sa Poblacion Sur, Sigma, Capiz.
Ginkilala ang biktima nga si Rolando Fernandez 48-anyos sang Barangay Mangoso, Sigma, Capiz.
Ginpahayag nga nakita sang isa ka nagapamunit ang biktima nga nagapaligo sa suba.
Antes nagbiya sa lugar ang nagapamunit, nakatakas na kag manug-ilis ang biktima.
Apang ginkatingala sang nagapamunit nga sa iya pagbalik sa suba, yara pa ang bayo sang biktima.
Bangud diri ginpadulugan sini ang ginateniran sang biktima sa diin nahibaluan nga wala ini nakapauli matapos magpaligo sa suba.
Sa pagangita sa biktima nakita ini sa suba nga wala na sang kabuhi.
Ginapatihan nga nadanlog si Fernandez sang nagtapak ini sa bato kag wala na makabutwa sang nahulog sa tubig.
